नयाँ बर्षमा ऋचाको ‘कौसीद’ घोषणा
अंग्रेजी नयाँ बर्ष २०२१ को अबसर पारेर अभिनेत्री ऋचा शर्माले नयाँ फिल्म निर्माणको घोषणा गरेकी छिन् । फिल्मको नाम ‘कौसीद’ राखिएको छ । कुमार भाष्करले निर्देशन गर्नेछन् ।
सामाजिक सय्जाल फेसबकमा स्टाटस पोष्ट गर्दै ऋचाले बितेको बर्ष २०२० आफ्नो लागी अप्रत्यासित बर्ष भन्दै तितोमिठो मिश्रित अनुभव दिएको लेखेकी छिन् । यो बीचमा शुक्रबारबाट सुरु भएको नयाँ बर्ष २०२१को शुभारम्भसँगै नयाँ जोस र पुर्ण उत्साहका साथ नयाँ काम लक्षित भइ फिल्म ‘कौसीद’ निर्माणमा लागेको ऋचाले उक्त पोष्टमा उल्लेख गरेकी छिन् ।
फिल्मको फर्स्टलुक ‘थीम पोस्टर’ पनि सार्वजनिक गरिएको छ । सार्वजनिक पोस्टरले वित्तिय ऋणको जीवन भोगाइको संघर्ष बोलेको अनुमान लगाउन सकिन्छ । फिल्मको निर्मातामा केदार भुषाल छन् भने बूड पिक्चर्स र ट्रिडेन्ट कन्सेप्टको ब्यानरमा यो फिल्म निर्माण हुनेछ ।
अभिनेता भोलाराज सापकोटा र ऋचा शर्मा लिड अभिनयमा रहनेछन् । फिल्मको कथा नव विजय प्रकाश श्रेष्ठ र धिरजन थपलियाको छ । फ्लोरमा जाने मिति भने तय भइसकेको छैन । ऋचा हाल रियालिटी शो ‘कमेडी च्याम्पियन’ सिजन २ मा व्यस्त छिन् ।
