मलिका बनिन् सोनलकी मायाः भिडियोमा आयो चर्चित गीत ‘घाम छायाँ’ !
टुनाबेल थापाको चर्चीत गीत ‘घाम छायाँ’को फिमेल भर्सन सार्वजनिक भएको छ । लिरिकल भिडियो बनाइ अपलोड गरिएको यो गीतको मेल भर्सनमा एउटै च्यानलमा ७६ लाख बढि पटक हेरिएको छ भने अन्य विभिन्न माध्यमबाट सामाजिक सञ्जालमा करोड बढि भ्यूज पाईसकेको छ । हालै उक्त गीतको फिमेल भर्सनमा भिडियो निर्माण गरिएको छ ।
किशोर तथा युवापुस्तामाझ निकै लोकप्रिय बनेको प्रेमिल गीतको फिमेल भर्सनमा गायिका तिर्शाला गुरुङले स्वर भरेकी छिन् । ओरिजिनल भर्सनमा स्वर सर्जक थापाको नै छ । उक्त गीतका शब्द लेखन, संगीत तथा एरेञ्जको सबै काम थापाले नै गरेका छन् ।
शनिबार युट्युवमार्फत वर्ल्ड प्रिमियर गरिएको गीतको भिडियोमा पछिल्लो पुस्ताकी चर्चित मोडल तथा अभिनेत्री मलिका महत र मोडल सोनम तामाङ फिचर्ड छन् । सोनल र मलिकाले यसअघि ‘ओर आउन माया’ बोलको गीति भिडियोमा समेत स्कृन सेयर गरेका थिए ।
भिडियोः
प्रेम र विछोडको छटपटीलाई भिडियोमा जोडिएको छ । भिडियोमा स्कृनप्ले, कन्सेप्ट र निर्देशन सबै सुरेन्द्र मल्ल ठकुरीले गरेका छन् । निरज भुषालले छायांकन गरेको भिडियोमा सम्पादन तथा कलरिङको काम राकेश दाहालले गरेका छन् । सपना लम्सालको शृङ्गार समावेश छ ।
र यो पनिः
