कन्फर्मः स्वस्तिमाले साइन गरिन् साउथ फिल्म ‘थिरिमाली’

अभिनेत्री स्वस्तिमा खड्का दक्षिण भारतिय फिल्म ‘थिरिमाली’मा आवद्ध भएकी छिन् । कलाकार छनोटसँगै लोकेशनको खोजीमा नेपालमा रहेको उक्त फिल्मको निर्माण टिमले स्वस्तिमालाई अभिनेत्रीको रुपमा अनुबन्ध गरेको हो ।

स्वस्तिमा र निर्माण टिमबीच सम्झौतापत्र आदान प्रदान भएको तश्विर फिल्मीनेपालले प्राप्त गरेको छ । यसअघि अघिल्लो हप्ता फिल्मीनेपालले नै स्वस्तिमाले दक्षिण भारतिय फिल्ममा काम गर्न लागेको समाचार पहिलोपटक सार्वजनिक गरेको थियो । राजधानीको एक पाँचतारे होटलमा स्वस्तिमा र निर्माण टिमबीच सम्झौता फाइनल भएको हो ।

exclusive: साउथ इण्डियन फिल्ममा डेब्यू गर्दै स्वस्तिमा

दक्षिण भारत (साउथ इण्डियन) फिल्म निर्माण कम्पनि ‘एञ्जल मारीया सिनेमाज’को ब्यानरमा तयार हुने यो फिल्म निर्माणमा नेपाली ब्यानर अनन्या फिल्मस् ले सहकार्य गरेको छ । अनन्या फिल्मस् का प्रमुख निर्माता सरोज न्यौपानेले स्वस्तिमा महंगो पारिश्रमिकका साथ उक्त प्रोजेक्टमा आवद्ध भएको बताए । स्वस्तिमाको पारिश्रमिक र भुमिकाबारे गरिएको प्रश्नमा न्यौपानेले ‘बिग सरप्राइज छ’ बाहेक केहि खुलाउन चाहेनन् ।

मार्चपछि फ्लोरमा जाने फिल्मको छायांकन नेपालमा ७० प्रतिशत र भारतमा ३० प्रतिशत गरिनेछ । राजिव सेट्ठीले निर्देशन गर्ने फिल्म नेपाली, हिन्दीसँगै दक्षिण भारतका विभिन्न आधा दर्जनबढि प्रान्तिय भाषामा तयार हुने बताइएको छ ।