‘जनै हराएको बाहुन’मा ‘साँघुरो’ अभिनेता सुशांक
काठमाडौं । नयाँ कथावस्तुसहित निर्माण हुने दाबी गरिएको चलचित्र ‘जनै हराएको बाहुन’मा अभिनेता सुशांक मैनाली जोडिएका छन् । हाले निर्माण टिमसँग सम्झौता भएको छ । उनि ‘साँघुरो’ चलचित्रको अभिनयले चर्चामा आएका थिए ।
यो चलचित्रको मुख्य भूमिकामा अभिनेता विजय बराल फाइनल भइसकेका छन् । मुख्य अभिनेत्रीमा केकी अधिकारी र मिरुना मगर छन् । साथमा गौरव पहाडी र रेअर राईले काम गर्ने पक्का भइसकेको छ । नेसनल अवार्ड विजेता अभिनेता मैनालीले ‘जनै हराएको बाहुन’मा मुख्य भूमिका निभाउने पक्का भएको हो ।
‘जनै’ नामजस्तै सम्बन्धका धागोहरूलाई केन्द्रमा राखिएको कथा मन परेकाले आफू धेरै वर्षपछि नेपाली चलचित्रमा फर्किन लागेको मैनालीले बताएका छन् । ‘जनै हराएको बाहुन’लाई हिमाल न्यौपानेले निर्देशन गर्नेछन् ।
तीजको अवसर पारेर आगामी भदौ १० गते यो चलचित्र रिलिज हुनेछ । पेपरक्लिप प्रालिले निर्माण गर्न लागेको चलचित्रको कथा, पटकथा र संवाद भानुभक्त ढकालले लेखेका छन् । चलचित्रमा थानेश्वर गौतमको संगीत रहने बताइएको छ । चलचित्रको छायांकन चैत २५ गतेदेखि ४० दिन को सेड्युल अनुसार पाल्पा र काठमाडौंमा गरिनेछ ।
