‘हरि बहादुरको जुत्ता’ मा स्वस्तिमा
काठमाडौं । दिपेन्द्र के खनालको निर्देशनमा तयार हुने चलचित्र ‘हरि बहादुरको जुत्ता’ मा अभिनेत्रीको रुपमा स्वस्तिमा खड्का अनुबन्धित भएकी छिन्। पछिल्लो समयकी सफल अभिनेत्री खड्काले यो चलचित्रमा हरिवंश आचार्य र प्रकाश सपुतसंग अभिनय गर्नेछिन्।
प्रकाश र स्वस्तिमाको यो लगातार दोश्रो चलचित्र हो। प्रकाशको नै निर्देशनमा तयार हुँदै रहेको चलचित्र ‘वसन्त’ मा दुवैले संगै सहकार्य गरेका छन्।
हरि बहादुरको जुत्तालाई सरोज ओलीले निर्माण गर्दैछन्। हरिवंशको नै कथा रहेको चलचित्र चाडै सुटिङ्गमा जाने तयारीमा रहेको छ। स्वस्तिमाको प्रवेशसंगै चलचित्रको कलाकारको लाइनअप रोचक र बलियो बन्दै गएको छ ।
