फिल्मी फ्राइडेः पर्दामा दया र मिरूना स्टारर ‘घरज्वाइँ’, सुखद छैन अग्रिम बुकिङ

काठमाडौं । फ्राइडे रिलिज अन्तर्गत यो शुक्रबारबाट फिल्म ‘घरज्वाइँ’ प्रदर्शनमा आएको छ । एकल प्रदर्शनमा आएको फिल्मलाई हल सञ्चालकहरूले उच्च प्राथमिकताका साथ शोजहरू उपलब्ध गराएका छन् ।

फिल्मको अग्रिम बुकिङ भने सुखद रहेन । शुक्रबार बिहान सामान्य ओपनिङ हुँदा दिवा शोजहरूबाट फिल्मले ‘पिकअप’ लिने विस्वास निर्माण टिमको छ । यो फिल्मलाई मुख्य चेन क्युएफएक्स, बिग मुभिज, एफक्यूव, आइएनआइ लगायत हलले राम्रो स्थान दिएका छन् । देशैभर परिरहेको वर्षातको प्रभाव भने फिल्मलाई प्रत्यक्ष पर्ने देखिन्छ ।

जनक घर्ती मगरको निर्माणमा बनेको फिल्मले मगर समुदायको सामाजिक कथा पेश गर्छ । यो फिल्ममा अनिल बुढा मगरको निर्देशन छ । सुशन प्रजापतीको छायांकन रहेको फिल्ममा दयाहाङ राई र मिरुना मगर प्रमुख अभिनयमा रहँदा शिशिर वाङ्गदेल, कविता आले, पुष्कर गुरुङ, बुद्धि तामाङ, भोलाराज सापकोटा, खड्कबहादुर पुन (खबपु), राज थापा, शिला आले, अनु थापा, बिना थापा मगर, विवेश बुढा मगर, सोनाम लामा लगायतको पनि अभिनय समावेश छ ।