नाजिर स्टारर ‘गुन्यो चोलो’ रिलिज कन्फर्म

काठमाडौं। युवा निर्देशक समुन्द्र भट्टको निर्देशनमा बनेको फिल्म ‘गुन्यो चोलो- कमिङ अफ अ्याज अफ अ गर्ल’ (अनाउन्समेन्ट टाइटलः’गुलाबी’) को प्रदर्शन मिति घोषणा गरिएको छ । अभिनेता नाजिर हुसैन फरक प्रस्तुतिमा प्रस्तुत भएको यो फिल्म आगामी कार्तिक ९ (अक्टोबर २५) बाट दर्शकमाझ आउने बताइएको छ ।

निर्माण टिमले फिल्मको एक पोस्टर सार्वजनिक गर्दै प्रदर्शन मिति लक गरेको हो । यो फिल्मले पारलैङ्गिकताको कथा बोल्छ । अमेरिकी कम्पनी ‘भिजन ईन्टरटेन्मेन्ट’ र ‘दि स्काई ओसन ईन्टरटेन्मेन्ट’ को ब्यानरमा निर्माण भएको फिल्ममा निर्देशक भट्ट र अभिनेता नाजिरको पटकथा तथा संवाद छ ।

यो फिल्ममा नाजिरसँगै अभिनेत्री सञ्चिता लुइँटेल, सुशील सिटाैला, अनुपम श्रेष्ठ र विशाल पहारी प्रमुख अभिनयमा छन् । नेपालको पहिलो पुर्णरुपको ट्रान्स स्टोरीमा निर्मित यो फिल्मको निर्मातामा आकाश बुढाथोकी र भि. भन्से जानुवोन छन् ।