‘सतीदेवी’को मार्मिक गीत ‘लैजा दैव फिर्ता लैजा’ सार्वजनिक |भिडियो
काठमाडौं । लक्ष्मण सुवेदीको लेखन निर्देशनमा तयार फिल्म ‘सतीदेवी’को मार्मिक गीत सार्वजनिक भएको छ । शुक्रबार सार्वजनिक ‘लैजा दैव फिर्ता लैजा’ बोलको गीतमा शब्द मर्मस्पर्शी लाग्छन् । गीत भाग्यले ठगिएकी एक युवतीको पीडा बोल्छ ।
परिवार र समाजबाट छोरी भएकै कारण तिरस्कृत हुनपर्नुको भाव गीतले बोल्छ । लिरिकल रूपमा तयार गरिएको गीतको भडियोमा प्रस्तुत दृश्यहरूले पनि शब्दकै प्रतिनिधित्व गर्छन् । भिडियोमा अभिनेत्री मलिका महत फिचर्ड छन् । यो फिल्म आउँदो महिना साउनको ४ गतेबाट दर्शकमाझ आउँदैछ ।
दिलाशा क्रियशनको प्रस्तुतिमा बनेको यो फिल्मको गीतमा स्वर ममता गुरुङको छ भने निर्देशक सुवेदीको शब्दमा सुवाष भुषालले संगीत भरेका छन् । एरेञ्जको पुरुषोत्तम सुवेदीको छ ।
यो फिल्ममा मलिकासँगै हर्षित वली, मञ्जिला बानियाँ, सन्दीपबाबु लोहनी, कुलबहादुर क्षेत्री, भोला सापकोटा, सिर्जना अदिकारी, सुजाता शिवाकोटी, सन्देश लिम्बु, मनिषा सापकोटा, जयन्त रेग्मी, बिमल श्रेष्ठ लगायत मुख्य अभिनयमा छन् । तारा थापाले सम्पादन गरेको फिल्मलाई राजधानीमा रीच इन्टरटेन्मेन्ट र मोफसलमा एफडी कम्पनिले वितरण जिम्मा लिएको छ ।
हेर्नुहोस् गीतः
