फिल्मी फ्राइडेः पर्दामा पूजाको एक्सन अबतार
काठमाडौं । फ्राइडे रिलिज अन्तर्गत यो शुक्रबारबाट फिल्म ‘दान्भी’ प्रदर्शनमा आएको छ । अभिनेत्री पूजा शर्मा स्टारर यो फिल्मले एक्सन लभस्टोरी कथा बोल्छ । पूजा पहिलोपटक पर्दामा एक्सन भुमिकामा देखिन लागेकी हुन् ।
पछिल्लो समय नेपाली पर्दामा एक्सन प्रधान फिल्म कमै मात्र आउने गरेका छन् । त्यसो त फ्रन्टलाइर ‘लेडिज एक्सन’ फिल्म रेखा थापाले विरासत जमाएको समयदेखि आएका छैनन् । यो बीचमा लभस्टोरीपछि फरक भुमिकामा पर्दामा आउँदा पूजालाई दर्शक तान्ने अबसर र चुनौती दुबै छ ।
रूपेश तामाङको निर्देशनमा बनेको फिल्ममा अभिनेत्री पूजा शर्मासँगै कुन्साङ बम्जन, किरण श्रेष्ठ, मोनालिसा खतिवडा, राजाराम पौडेल, कालु राणा, सीता तामाङ लगायत कलाकारको पनि अभिनय छ। फिल्ममा पवन राना मगर कार्यकारी निर्माता र देव मगर तथा अनुप गडाल निर्माता छन् । फिल्ममा कमला लिम्बु, पन्चबहादुर तामाङ र आदर्श पौडेल सह–निर्माता छन् ।
सिनेमामा सन्जोग राणाको पटकथा तथा संवाद, रविना थापा मगरको कथा, हरिप्रसाद घलेको छायांकन, बन्दे प्रसादको सम्पादन, श्री श्रेष्ठको एक्सन, कविराज गहतराज कोरियोग्राफी छ । फिल्मलाई रिच इन्टरटेन्मेन्टले काठमाडौं उपत्यका र एफडी कम्पनीले उपत्यका बाहिर वितरण गर्दैछन् ।
