राजनराज र सदिक्षाले ल्याए ‘खुर्सानीलाई बियाँ’ |भिडियो
काठमाडौं । राजनराज सिवाकोटी र सदिक्षा कट्टेलको स्वर समावेश नयाँ गीति भिडियो सार्वजनिक भएको छ । सार्वजनिक ‘खुर्सानीलाई बियाँ’ बोलको म्युजिक भिडियोमा गायक रहेका सिवाकोटीले नै संगीत भरेका गरेका छन् ।
वरिष्ठ गीतकार राजेन्द्र थापाले रचना गरेको यस गीतमा मौलिक नेपाली शैली प्रयोग गरिएको देखिन्छ । प्रचण्ड पौडेल र प्रसन्न पौडेलको संयुक्त निर्देशन रहेको भिडियोमा यशराज गराच, सुरज प्रजा, अनिशा न्यौपाने र समारिका ढकालले अभिनय गरेका छन् ।
युमी बलामीको कोरियोग्राफीमा तयार भिडियोलाई प्रकाश हमालले निर्माण गरेका हुन् । यो भिडियोमा निशान पौडेलले छायांकन र राजुजंग बस्नेतको सम्पादन छ । भेल्भेट भाईब्स इन्टरटेन्मेन्ट प्रोडक्शन भिडियोको निर्माण कम्पनि हो ।
