जन्मदिन रिलिज: ‘ह्रस्व दीर्घ’मा यस्ता देखिए हरिहर
काठमाडौं । प्रमुख अभिनेता हरिहर अधिकारीको जन्मदिन पारेर फिल्म ‘ह्रस्व दीर्घ’ टिमले फिल्ममा समावेश उनको लुक्स सार्वजनिक गरेको छ । हरिहरको जन्मदिनको अवसर पारेर निर्माणपक्षले नयाँ पोस्टरसहित हरिहरलाई रिलिज गरेको हो ।
सार्वजनिक पोस्टरमा हरिहरलाई दुई वटा अवतारमा प्रस्तुत गरिएको छ । एउटा लुक्समा उनलाई लामो कपालमा देखाईएको छ भने अर्कोमा निधारमा विभूत लगाएको धार्मिक ‘गेटअप’मा छन् । यो फिल्म आगामी असोज ११ गते रिलिज हुनेछ ।
यसअघि निर्माणपक्षले कलाकार ब्रमानन्दमको तस्विर मात्र समावेश गरिएको पोस्टर रिलिज गरेको थियो । प्रेमकथा रहेको यो फिल्मको तेस्रो चरणको छायांकन बाँकी छ । बाँकी छायांकन मुम्बईमा हुनेछ । फिल्मका निर्देशक चन्द्र पन्त हुन् । अभिनेता हरिरहर अधिकारीको कथा रहेको फिल्ममा कविरलालको छायांकन छ ।
अभिनेत्री नीता ढुंगानाको निर्माण रहेको फिल्ममा हरिहर र नीतासँगै विपना थापा, गरिमा शर्मा लगायतका कलाकारको अभिनय छ । केही दक्षिण भारतीय कलाकार पनि फिल्ममा जोडिएका छन् ।
