जितु र सुमनको हातबाट स्मार्ट हेल्थ मार्ट शुभारम्भ
काठमाडौं । गुणस्तरीय स्वास्थ्य सेवा ,औषधी तथा औषधीजन्य सामग्रीसहित कस्मेटिक्स र फूड सप्लिमेन्टहरू एउटै छानामुनि उपलब्ध गराउने उदेश्यका साथ काठमाडौंको शान्तिनगरमा स्मार्ट हेल्थ मार्ट /स्मार्ट हेल्थ क्लिनिक संचालनमा आएको छ । सोमबार एक कार्यक्रमकाबीच हाँस्य कलाकारद्वय जितु नेपाल र सुमन कार्कीले संयुक्त रुपमा मार्ट र क्लिनिकको उद्घाटन गरे ।
उद्घाटन गर्दै जितु र सुमनले नयाँ सोचका साथ सञ्चालनमा आएको स्मार्ट हेल्थ मार्ट /स्मार्ट हेल्थ क्लिनिकको सफलताको कामना गरेका थिए । उनीहरुले आफ्नो स्वास्थ्यका बारेमा परामर्श समेत लिएका थिए र आवश्यक पर्दा अब देखि स्मार्ट हेल्थ मार्ट /स्मार्ट हेल्थ क्लिनिकको सहयोग लिने समेत बताए ।
यो मार्ट र क्लिनिकको सेवा एसएचएनमार्ट डट कम बाट लिन सकिने छ। स्मार्ट हेल्थ मार्ट /स्मार्ट हेल्थ क्लिनिक काठमाडौँको पेप्सीकोलामा सञ्चालनमा आइसकेको छ भने अर्को शाखाका रुपमा चाँडै नै धापासीसहित र काठमाडौंका अन्य स्थानमा समेत शाखा विस्तार गर्दै जाने सञ्चालक जितेन्द्र कुमार थापाले जानकारी गराए ।
सञ्चालक थापाले सेवाग्राहीमा विस्वसनीयता प्रदान गर्दै छिटो छरितो र भरपर्दो सेवा प्रदान गर्नु र स्वास्थ्यसम्बन्धि कुनै पनि सामग्रीको लागि अन्य ठाउँ धाउन नपर्ने बनाउनु आफुहरूको उद्देश्य रहेको बताए ।
