ट्रेलरमा हेर्नुहोस् केकीको ‘बोक्सीको घर’ |भिडियो

काठमाडौं । केकी अधिकारीको प्रस्तुतीमा बनेको फिल्म ‘बोक्सीको घर’को ट्रेलर सार्वजनिक गरिएको छ । आइतबार आयोजित एक कार्यक्रमकाबीच फिल्मको ट्रेलर रिलिज गरियो । ट्रेलरम केकीले प्रशंसनीय काम देखाएकी छिन् ।

बालविवाह भएकी एक युवतीलाई बोक्सीको आरोप लगाएपछि गाउँघरमा कोही विरामी हुँदा उनैमाथि प्रश्न उठ्छ । र, त्यो कथा लेख्न पत्रकार श्वेच्छा राउत गाउँ पुगेकी छन् । ट्रेलरमा पिपलको बोटलाई विम्बको रुपमा प्रयोग गरिएको छ । पिपलको बोटप्रति विश्वास र अन्धविश्वास दुवै छ ।

आगामी बैशाख १४ गतेदेखि सार्वजनिक प्रदर्शनमा आउन लागेको फिल्ममा सुलक्षण भारतीको लेखन तथा निर्देशन छ । उनी स्वयं फिल्ममा केकीको श्रीमानको भूमिकामा प्रस्तुत छन् । रमा थपलिया, सुपला सापकोटा, श्वेच्छा राउत, सुष्मा निरौला, सबिन बास्तोला आदिको पनि अभिनय रहेको फिल्ममा केकीका बाबु तथा निर्देशक बद्री अधिकारी निर्माता र राज घिमिरे कार्यकारी निर्माता हुन् ।