नीति शाहको डेब्यू फिल्म ‘खजुरे ब्रो’ गीत रिलिज |भिडियो
काठमाडौं । फिल्म ‘खजुरे ब्रो’ले आफ्नो पहिलो गीत सार्वजनिक गरेको छ । राजधानीमा आयोजित एक कार्यक्रमबीच निर्माण टिमले फिल्मको पहिलो प्रचार सामग्री सार्वजनिक गरेको हो ।
भट्टीको सेटिङमा गीतको भिडियो तयार पारिएको छ । ‘लभ गर्ने मान्छे’ बोलको गीतमा फिल्मका प्रमुख पात्र ‘खजुरे’ बनेका रियर राई तथा महेश त्रिपाठीका साथमा अन्य कलाकारहरु फिचर्ड छन् । डेब्यू अभिनेत्री नीति शाहलाई गीतमा एक ‘सीन’ त्यो पनि बीना उद्देश्य प्रस्तुत गरिएको छ ।
सार्वजनिक गीतमा अनमोल गुरुङको शब्द तथा संगीत रहेको छ । गीतमा संगीतकार अनमोल र अनुपम गुरुङको स्वर रहेको छ । फिल्म वैशाख २८ गतेबाट दर्शकमाझ आउनेछ । लेखक तथा निर्देशक सुरज सुनुवार हुन् ।
नीतिको यो डेब्यू फिल्ममा उनिसँगै खजुरे बनेका रेयर तथा महेशका अलावा नविन मानन्धर,प्रकाश भुजेल,बिनिता थापा मगर,सुष्मा निरौला, पुस्कर कार्की,मनिष राउत,प्रेम सुब्बा, सुजाता राई,शान्तिला तामाङ, पवन लिम्बु, दीप चन्द्र राई (कान्छी) लगायतको अभिनय छ ।
दिव्य दृश्य इन्टरटेन्मेन्टले मान्द्रो प्रोडक्सन तथा मल्टी प्रपोज प्रालिसँगको सहकार्यमा निर्माण भएको फिल्मका निर्माता नविन मानन्धर तथा सुरज सुनुवार हुन् । अनिल मानन्धर र पिकेश मानन्धर यसका सह-निर्माता हुन् भने डायमण्ड उप्रेती कार्यकारी निर्माता छन् ।
