चलचित्र संघको अध्यक्षमा महर्जनको पल्लाभारी !
काठमाडौं । फिल्म हल सञ्चालक तथा वितरकको छाता संस्था नेपाल चलचित्र संघको ४९ औँ साधारणसभामार्फत अध्यक्षमा नरेन्द्र महर्जन विजयी भएका छन् । काठमाडौँमा शनिवार राति अबेर सम्पन्न मतदानमा कुल एक सय ५२ मत खसेको थियो ।
आइतबार विहान घोषणा गरिएको नतिजा अनुसार अध्यक्षमा महर्जनले एक सय ४ मत प्राप्त गरेर जीत सुनिश्चित गरे । उनले ५८ मतको फराकिलो अन्तरमा जीत निकाले ।
उनका प्रतिद्वन्द्वी कुवेर शर्माले ४६ मत प्राप्त गरे । दुई मत बदर भएको थियो । संघको सदस्यतर्फ करण श्रेष्ठ, प्रज्वल शमशेर जबरा, देवेन्द्र खड्की, छविराज ओझा, गोपालकाजी कायस्थ, ओम जैशी, कपिल द्वा, सुरेन्द्र थापा, आशिष तामाङ, दिप्रश शाक्य विजयी भएका छन् । अध्यक्ष महर्जन प्रदर्शकसँगै चलचित्र निर्माता तथा वितरक समेत हुन् ।
अध्यक्ष र सदस्यको मात्र निर्वाचन भएको थियो । निर्वाचित सदस्यहरूबाट संघको पहिलो कार्यसमिति बैठकले अन्य पदको जिम्मेवारी तोक्नेछ ।
