पोस्टरमा हेर्नुहोस् साम्राज्ञी स्टारर ‘लण्डन टू पेरिस’
काठमाडौं । फिल्म ‘लण्डन टू पेरिस’को दोस्रो पोस्टर सार्वजनिक गरिएको छ । सार्वजनिक पोस्टरमा चार प्रमुख कलाकार फिचर्ड छन् । अभिनेत्री साम्राज्ञी राज्यलक्ष्मी शाहसँग डेब्यू अभिनेता निश्चल खड्का र अभिनेता कविर खड्काको अङ्गालोमा डेब्यू गर्ल गरिमा शर्मा बाँधिएका छन् ।
चार कलाकारलाई एक अर्कोसँग रोमान्टिक मूडमा देख्न सकिन्छ । यात्राको कथा बोल्ने फिल्मलाई घनश्याम लामिछानेले निर्देशन गरेका हुन् । फिल्मको प्रदर्शन मिति आगामी जेठ २५ लाई तय गरिएको छ ।
यो फिल्ममा उल्लेखित कलाकारहरूसँगै रुष्मा थापा, मनिश श्रेष्ठ तथा मनिष गान्धीको प्रमुख अभिनय समावेश छ । अमित बस्नेतले निर्माण गरेको फिल्ममा आरोन बस्नेत, एरियाना बस्नेत तथा परी राना निर्माताका छन् ।
एबी इन्टरनेश्नलको प्रस्तुति रहेको सिनेमामा गौतम प्रोडक्शन र अर्चिड भेस फिल्सम् लिमिटेडको निर्माण सहकार्य रहेको छ । सनिश खकुरेल र अजित केआर थापा फिल्मको सह-निर्माता हुन् भने अंकित गौतम, सुरज कुँवर र विजय भण्डारी यसका कार्यकारी निर्माता हुन् । आरआर फिल्मस्ले फिल्मको वितरण जिम्मा लिएको छ ।
