‘महाजात्रा’ बम्पर ओपनिङ, जान्नुहोस् कति छ कलेक्सन ?
काठमाडौं । शुक्रबारबाट प्रदर्शनमा आएको फिल्म ‘महाजात्रा’ले बम्पर ओपनिङ गरेको छ । रिलिजको दिनदेखि हलहरूमा लगातार हाउसफूल बनिरहेको फिल्मले पहिलो विकेण्डमा दर्शकको अथाह साथ पाएको छ ।
प्रदीप भट्टराईको निर्देशनमा बनेको फिल्मलाई दर्शकले साथ दिँदा व्यापारमा पनि उछाल मारेको छ । प्राप्त जानकारी अनुसार फिल्मले प्रदर्शनको पहिलो दुई दिनमा ३ करोड माथीको विजनेस गरेको छ । पहिलो दिन १ करोड २३ लाख ग्रस कलेक्सन गरेको फिल्मले दोस्रो दिन १ करोड ८३ लाख ग्रस विजनेस गर्यो । समग्रमा दुई दिनमा फिल्मले तीन करोड ६ लाखको विजनेस गरेको निर्माण टिमले जानकारी गराएको छ ।
आइतबार होली पर्वको बिदा पर्दा बिहानैदेखि सबैजसो पर्दा हाउसफूल छन् । आइतबार पनि रातीसम्मको शोजहरूमा दर्शकको आक्रामक उपस्थिति रहँदा फिल्मले २ करोड आसपासको आँकडा आईतबार मात्रै (एकदिनमै) छुने देखिन्छ ।
‘जात्रा’ र ‘जात्रै जात्रा’को सफलतापछि बनेको यो तेस्रो सिक्वेलमा हरिवंश आचार्य, विपिन कार्की, वर्षा राउत, रविन्द्रसिंह बानियाँ, रविन्द्र झा, अरविन खड्का, प्रकाश घिमिरे, दिव्यदेव, राजाराम पौडेल लगायत प्रमुख अभिनयमा छन् । फिल्मले पहिलो हप्ता ७ करोड माथिको विजनेस गर्ने अनुमान गरिएको छ ।
