कमेडीले भरिपूर्ण ‘बद्रीबहादुर’ ट्रेलर रिलिज |भिडियो
काठमाडौं । सोभित बस्नेतको निर्देशनमा बनेको फिल्म ‘बद्रीबहादुर’को ट्रेलर रिलिज गरिएको छ । राजधानीमा एक कार्यक्रमको आयोजनासहित निर्माण टिमले फिल्मको प्रमुख प्रचार सामग्री सार्वजनिक गर्यो ।
ट्रेलरलाई कमेडी, एक्सन र प्रेमपूर्ण बनाइएको छ । फिल्ममा प्रमुख कलाकार सबैजसो ट्रेलरमा देखिन्छन् । यो फिल्म एवी पिक्चर्स फार्म र सलोन सलिना फिल्मसको ब्यानरमा निर्माण भएको हो । सञ्चारकर्मी रवि अधिकारी कार्यकारी निर्माता छन् । विजय गोपाल दली प्रस्तुतकर्ता र मिथुन भोटे फिल्मको निर्मातामा छन् ।
यो फिल्ममा जयकिसन बस्नेत, एलिना गुरुङ, छुल्ठिम गुरुङ, राजीवजंग बस्नेत, धिरेन शाक्य र वर्षा चौलागाईको मुख्य भूमिका छ भने विशेष भूमिकामा पूजा शर्मा, सलोन बस्नेत र निर्देशक बस्नेत स्वयं देखिएका छन् ।
फिल्ममा विनोद सापकोटाको छायांकन, टंक बुढाथोकी र उजन नेम्वाङको संगीत, रामकाजी घिमिरे लेखन, शिव बिकको नृत्य निर्देशन, शंकर महर्जनको द्वन्द्व निर्देशन तथा समिर मियाँको सम्पादन छ ।
आरआर फिल्म्सले वितरण गर्ने फिल्मलाई काठमाडौं, लमजुङ्ग, धरान र संखुवासभा क्षेत्रमा छायांकन गरिएको छ । बन्देप्रसाद सम्पादक रहेको फिल्मको स्कृप्ट रामकाजी घिमिरेले लेखेका हुन् ।
