वविनासँग बुद्धी तामाङको ‘टुना मुना’ !
काठमाडौं । बबिना भट्टराईको गीत “टुना मुना” सार्वजनिक भएको छ । युवा र युवतीको फकाउने र तर्किने शब्द समेटेर गीतका शब्द तयार गरिएको छ भने गीतको शब्द र संगीत बबिना भट्टराईको रहेको छ ।
गीतमा बबिनासँगै बैकुण्ठ प्रधानको स्वर रहेको छ । महाराज थापाले संगीत संयोजन गरेको गीत नकुल कार्कीले रेकर्ड गरेका हुन् ।
बबिनासँगै बुद्धि तामाङ फिचर्ड गीतको भिडियो प्रकाश खड्काको समुहले खिचेको हो । भिडियोमा केशवराज भट्टको कोरियोग्राफी र निर्देशन रहेको छ । माया प्रेम समेटिएको गीतलाई दर्शकले मन पराउने अपेक्षा निर्माण टिमको छ ।
