हेम्जाकोटमा ‘ईश्वर’ इण्डक्ल्याप

काठमाडौं। राजु गिरीको निर्देशन रहेको फिल्म ‘ईश्वर’को छायांकन सकिएको छ । २७ लगाएर निर्माण टिमले फिल्मको सम्पूर्ण छायांकन सकाएको हो । फिल्मको सम्पूर्ण छायांकन कास्कीको पोखरा र हेम्जाकोटमा गरिएको छ ।

लक्ष्मी कुँवर थापाको प्रस्तुतिमा निर्माण भएको फिल्ममा ध्रुब थापा अनु शाह, पृथ्वीराज प्रसाईं, कृष्टि गुरुङ, सुनिल थापा, सबिन बास्तोला, माओत्से गुरुङ, रबिन्द्र झा, बुद्धि लामा, शिशिर वाङ्देल र गीता अधिकारीको अभिनय रहेको छ ।

दिव्या कंगना फिल्मसको ब्यानरमा निर्माण भएको फिल्मको पटकथा एवम् संवाद भोजराज देवकोटाले तयार पारेका छन् । हरिबहादुर थापा र शंकर गिरी निर्मातामा छन् ।

यो फिल्ममा अर्जुन पोखरेल, राजेन्द्र बजगाईं र वीपी वाग्लेको संगीत समावेश हुँदा कविराज गहतराज, देवेन्द्र पाण्डे र सुरेश पाण्डेको कोरियोग्राफी, रामेश्वर हुँमागाईको छायांकन र देव महर्जनको द्वन्द्व छ ।