टिजरमा हेर्नुहोस् प्रतिक्षित फिल्म ‘महाजात्रा’ |भिडियो
काठमाडौं । प्रतिक्षित फिल्म ‘महाजात्रा’को टिजर सार्वजनिक भएको छ । मंगलबार फिल्मको टिजर सार्वजनिक गर्दै निर्माण टिमले फिल्मको विषयवस्तु समेत खुलाएको छ ।
पैसा लुकाउने चक्करमा अनेकन भुमरीमा पर्ने पात्रहरूको कथा फिल्ममा समावेश छ । जात्रा र जात्रै जात्राको सफलताले हौसिएको निर्माण टिमले त्यसपछि सिक्वेलकै रूपमा ‘महाजात्रा’ बनाएको हो । ‘महाजात्रा’ भएकाले कथा,प्रस्तुतीकरणमा उत्तिकै ध्यान दिएका छौँ, हामी दर्शकको वर्ड अफ माउथ अघिल्ला शृङ्खला भन्दा यसपटक झनै बलियो होस् भनेर काम गरिरहेका छौँ’, निर्देशक भट्टराईले भनेका छन् ।
यो फिल्ममा हरिवंश आचार्य, विपिन कार्की, रविन्द्रसिंह बानियाँ, रविन्द्र झा, वर्षा राउत, अर्जुन जंग शाही, प्रकाश घिमिरे, राजाराम पौडेल, प्रवीण खतिवडा, दिव्यदेव, सुमन कार्की, शिशिर बाङ्देल, गौमाया गुरुङ, अरविन खड्का लगायतको अभिनय समावेश छ । फिल्ममा म्याक्स दीपेश खत्री र यज्ञश्वर पौडेल निर्माता छन् ।
जहाँ जीतबहादुर रुवाली एसोसिएट निर्देशक, पुरुषोत्तम प्रधान छायाँकार, कुमार महर्जन द्वन्द्व निर्देशन, कविराज गहतराज नृत्य निर्देशक, आशिष अविरल सङ्गीतकार, शमशेर लामा शृङ्गार, रूपकप्रताप अधिकारी प्रोडक्सन डिजाइनर, अनिल खड्का मुख्य सहायक निर्देशक रहेका छन् । आगामी चैत्र ९ मा फिल्म रिलिज हुनेछ ।
