हेर्नुहोस् राष्ट्रभाव बोल्ने ‘गोर्खा वारियर’को ‘जय जय गोर्खाली’ |भिडियो
काठमाडौं । फागुन ११ बाट देशव्यापी प्रदर्शनको तयारीमा रहेको फिल्म ‘गोर्खा वारियर’मा समावेश गीत सार्वजनिक भएको छ । फिल्मको गीत ‘जय जय गोर्खाली’लाई निर्माण टिमले दर्शकसँग छोडेको हो ।
रिलिज मिति नजिक आउँदा प्रचार प्रसारमा दौडिरहेको निर्माण टिमले यतिबेला मोफसल यात्रा गरिरकेको छ । राष्ट्रभाव बोल्ने सार्वजनिक गीत शसस्त्र प्रहरी बल पूर्व महानिरिक्षक एवम् वरिष्ट गीतकार शैलेन्द्र खनाल ‘सरद’ले लेखेका हुन् । जसमा एलिश कार्कीको संगीत समावेश छ । गीतमा गायक राजेशपायल राईले स्वर दिएका छन् ।
मिलन चाम्सको निर्देशनमा बनेको फिल्मको ट्रेलरलाई दर्शकले मन पराउँदा निर्माण टिमले सुखद विजनेसको अपेक्षामा छ । फिल्ममा रितेश चाम्स, विजय लामा, रेविका गुरुङ, शिशिर बाङ्देल, कविता आले, रियर राई, बिरूप घले, सारा राई लगायतका कलाकारहरुको अभिनय छ ।
नेपाली, हिन्दी, अंग्रेजी र कोरियनसहित चार भाषामा निर्माण भएको फिल्ममा निर्देशक मिलन चाम्स र गिरिराज घिमिरेको लेखन रहेको छ । जसमा मिलन श्रेष्ठको सम्पादन, सुदीप बरालको डीओपी, हिमाल केसीको द्वन्द्व निर्देशन, राजेन्द्र मोक्तानको रंग संयोजन छ ।
निर्मातामा सुमन राई, सुस्मिता वाइवा रहेको फिल्मको कार्याकारी निर्मातामा प्रशान्त थापा, राजेन्द्र घिमिरे एवम् सहनिर्मातामा सुरेश राई रहेका छन् । फिल्म लन्डन सिनेआई प्रोडक्सनको प्रस्तुति र चाम्स इन्टरटेनमेन्टको सहकार्यमा निर्माण भएको हो ।
