भ्यालेन्टाइनमा दरबारमार्गमा गुञ्जिदै एलिना चौहान
काठमाडौं । गायिका एलिना चौहान दरबारमार्गमा गुञ्जिने भएकी छिन् । ‘भ्यालेन्टाइन डे’को अवसर पारेर एलिनाले यही माघ २८ गतेका दिन दरबारमार्गको मन्नत प्यालेसमा गायन प्रस्तुति दिने भएकी हुन् । कार्यक्रममा गायिका चौहानले धोकेबाज, कट्टा हान्दिन्छु, कुरा काट्ने मान्छेले काटुन, मिनिरल वाटर, इस्टाको फोटो लगायतका गीतहरु गाउनेछिन् ।
गायिका एलिनासँगै गायक कर्म ग्याल्जेन र लाइभ व्याण्डको पनि प्रस्तुती रहनेछ । प्रणय दिवसको पूर्व सन्ध्यामा सदा झै नयाँ उमंग नयाँ ठाउँ प्रणय दिवसमा जाउँ भन्ने उदेश्यसहित मन्नत प्यालेसले भव्य रुपमा सांगीतिक साँझको आयोजना गरेको हो ।
कार्यक्रम माघ २८ गते साँझ ७ बजेदेखि राती साडे १ बजेसम्म सञ्चालन हुने आयोजकले जनाएको छ ।
