`द्रौपदी´को अडिसनमा ४ सय बढि सहभागी

काठमाडौं । आर. बि . मुभिजको ब्यानरमा बन्दै गरेको चलचित्र ‘द्रौपदी’का लागि कलाकार छनोट गर्न अडिसन आयोना गरिएको छ । शनिबारको लागि राखिएको अडिसन राति ८ बजे सम्म पनि नसकिएपछी आपतबार समेत लिइएको छ ।

आएका सहभागीहरुलाई निराश किन बनाउनु भनेर अडिसनमा सहभागी हुन चाहने प्रतिभाहरुलाई भोलिपल्ट पनि समय दिएर अडिसन लिइएको निर्देशक ऋषिराज आचार्यले जानकारी दिए । यति धेरै नयाँ प्रतिभाहरु अभिनय सिकेर, चलचित्र पढेर काम गर्न तयार भएको देखेर आफुलाई खुशी लागेको निर्देशक आचार्यले बताए ।

दुई दिन गरेर ४१६ जना कलाकारहरू अडिसनमा सहभागी भएका थिए । निर्देशक आचार्यसँगै चलचित्र पत्रकार, लेखक तथा निर्देशक लक्ष्मण सुवेदी लगायतले अडिसनमा कलाकारहरूको कला परिक्षण गरेका थिए । चाँडै नै अडिसनको रिजल्ट निकाल्ने र कलाकार छनोट भैसकेपछी वर्कसप सुरू हुने त्यसपछि छायांकनमा निस्किने निर्माण टिमले बताएको छ ।