व्रह्मानन्दमको जन्मदिनमा ‘ह्रस्व दीर्घ’ रिलिज घोषणा
काठमाडौं । दक्षिण भारतीय चर्चित कलाकार व्रह्मानन्दमको जन्मदिनमा पोस्टर सार्वजनिक गर्दै फिल्म ‘ह्रस्व दीर्घ’को प्रदर्शन मिति तय गरिएको छ । फर्स्टलुक पोस्टर सार्वजनिकसँगै निर्माण टिमले वर्ष २०८१ को असोज ११ लाई रिलिज ‘लक’ गरेको हो ।
सार्वजनिक पोस्टरमा व्रह्मानन्दम नेपाली ढाकाटोपीसँग ‘पण्डित’ अवतारमा देखिन्छन् । यो फिल्ममा उनिसँगै चर्चीत भारतीय कलाकार अलि, प्रदीप रावत पनि अभिनयमा छन्।
चन्द्र पन्तको निर्देशनमा बनेको यो फिल्मको हालै चितवनमा छायांकन सकिएको थियो । यो फिल्ममा नीता ढुंगाना, हरिहर अधिकारी, विपना थापा, सञ्चिता लुईँटेल, प्रशान्त ताम्राकार, किरण केसी, बुद्धि तामाङ, गरिमा शर्मा लगायतले अभिनय गरेका छन् ।
भारत र नेपालमा गरी दुई चरणमा छायांकन भएको फिल्मलाई भारतीय छायांकार कवीरलालले खिचेका छन् । यो फिल्मको कथा हरिहर अधिकारीको हो । फिल्म नेपाल र भारतमा एकसाथ रिलिज हुने बताइएको छ । नीता फिल्मस् यो फिल्मकी निर्माण ब्यानर हो ।
