निः सन्तानपनको समस्यामा दयाहाङ, हेर्नुहोस् ‘दयारानी’ ट्रेलर |भिडियो
काठमाडौं । यहि माघ २६ बाट दर्शकमाझ आउन लागेको फिल्म ‘दयारानी’को ट्रेलर रिलिज गरिएको छ । रिलिज मिति नजिकिँदै जाँदा निर्माण टिमले दर्शक आकर्षणको लागि ट्रेलर रिलिज गर्यो ।
सार्वजनिक ट्रेलरमा एक गाउँले दम्पतिमा रहेको सन्तान प्राप्तिको भोक र युवकमा रहेको निःसन्तानपनको अवस्थाले उत्पन्न गराउने परिस्थितिलाई उल्लेख गरिएको छ । दयाहाङ राई र दीया पुनः फिल्मका प्रमुख कलाकार हुन् ।
माओत्से गुरुङको लेखन निर्देशनमा तयार भएको फिल्ममा विजय बराल, प्रमिसा गुरुङ, पुस्कर गुरुङ, टिकाराम घले, शिरिषा कुँवर, नयन गुरुङ, सुर्य सुनार, राजेन्द्र थापा, सीतादेवी गुरुङ, क्रिष्टी गुरुङ पनि अभिनयमा छन् । शैलेन्द्र ध्वज कार्कीको छायांकन रहेको फिल्मको निर्मातामा मोहन गुरुङ, किरण गुरुङ, केन्द्र लिम्बु र न्यू आइटी भेन्चर छन् ।
माओत्से गुरुङ फिल्मस् र बाँसुरी फिल्मस् को ब्यानरमा निर्माण फिल्म नेपालसँगै विश्वर बजारमा समेत एकसाथ रिलिज हुने बताइएको छ । फिल्मलाई राजधानीमा स्टेशन फाइभ र मोफसलमा एफडी कम्पनिले वितरणको जिम्मा लिएका छन् । विश्वबजारमा सेभेनसीज इन्टरटेन्मेन्टले वितरण गर्दैछ ।
