लामाको ‘दुःखी आत्मा’मा आँचलको प्रवेश
काठमाडौं । दीपेन्द्र लामाको लेखन निर्देशनमा बन्ने फिल्म ‘दुःखी आत्मा’को प्रमुख अभिनेत्रीमा आँचल शर्मा अनुबन्धित भएकी छिन् । निर्माण ब्यानर क्लक वर्क कृएसनले फिल्मको प्रमुख अभिनेत्रीमा आँचललाई अनुबन्ध गरेको जानकारी गराएको छ ।
स्क्रिप्टको मागअनुसार आँचललाई लिइएको निर्देशक लामाले बताएका छन् । फिल्मको प्रमुख अभिनेतामा यसअघि नै दयाहाङ राई अनुबन्धित भइसकेका छन् । यो फिल्मका निर्माता हिमाल कडरिया हुन् ।
निर्देशक दीपेन्द्र र निर्माता हिमालले यसअघि निर्माण गरेको ‘नाङ्गो गाउँ’ सुपरहिट भएको थियो । ‘दुःखी आत्मा’ उनीहरुको दोश्रो सहकार्य हो । यसपछि यही टिमले तेश्रो सहकार्य स्वरुप ‘नाङ्गो गाउँ २’ निर्माण गर्ने घोषणा गरिसकेको छ ।
आगामी चैत्रमा छायांकन गरिने ‘दुःखी आत्मा’ को स्क्रिप्ट लेखन कार्य अन्तिम चरणमा पुगेको निर्देशक लामाले बताए । फिल्मका अन्य कलाकार,प्राविधिक चयन कार्य केही समयमा गरिने जानकारी निर्माता हिमालले दिएका छन् । काठमाडौंको सेरोफेरोमा खिचिने सोसियल कमेडी जनराको फिल्मको वितरण आरआर फिल्मस्’ले गर्नेछ ।
तश्विर श्रोतः गूगल
