ऐतिहासिक कथा बोल्ने ‘गोर्खा वारियर’ ट्रेलर रिलिज |भिडियो

काठमाडौं । आगामी फागुन ११ लाई प्रदर्शन मिति तोकेको फिल्म ‘गोर्खा वारिअर’को ट्रेलर सार्वजनिक गरिएको छ । राजधानीमा आयोजित एक कार्यक्रमबीच निर्माण टिमले ट्रेलर रिलिज गर्यो ।

मिलन चाम्सको निर्देशन रहेको यो फिल्मलाई सत्य कथामा आधारित भनिएको छ । सार्वजनिक ट्रेलरमा दोस्रो विश्वयुद्धको क्रममा सन् १९४९ मा भएको मलाया युद्धमा गोर्खाली फौजले लडेको ऐतिहासिक लडाइँलाई प्रस्तुत गरिएको छ । लण्डनमा प्रिमियर गरिसकिएको फिल्म यसअघि नै चर्चामा छ ।

लण्डन सिनेआई प्रोडक्सनको प्रस्तुति र चाम्स इन्टरटेनमेन्टको ब्यानरमा निर्माण भएको फिल्ममा रितेश चाम्स, विजय लामा, रेबिका गुरुङ, शिशिर बाङ्देल, कविता आले, रेयर राई, विरुप घले प्रमुख अभिनयमा छन् । निर्मातामा सुमन राई र सुस्मिता वाइबा छन् ।