लोकप्रिय बन्दै ‘सूर्योदय’, चर्चामा जेएलसन
काठमाडौं । केही समय अघि संघीय संसद् भवन अगाडी आत्मदाह गरेका इलामका प्रेम आचार्य प्रति समर्पित भिडियो ‘सूर्योदय’ लाई दर्शकले रुचाएका छन् । सार्वजनिक भएको तेस्रो दिनमा भिडियो म्युजिक तर्फ नेपालमा युट्यूव ट्रेण्डिङको २० औं नम्बरमा आएको छ । २० हजार बढी लाइक्स र १२ सय बढि प्रतिक्रिया युट्यूवमा व्यक्त छन् ।
भिडियोमा जेएलसन अधिकारीले प्रमुख पात्रको भुमिका निर्वाह गरेका छन् । भिडियोले लोकप्रिय बढाउँदै जाँदा उनको चर्चा पनि बढ्दो छ । आकर्षक लुक्सका अधिकारीले अबिनयमा राम्रो संभावना छोडेका छन् । उनीसँगै भिडियोमा सुरभी सापकोटा, जयन्ता अधिकारी, अभिषेक ,शरद न्यौपाने लगायतको अभिनय रहेको छ ।
आना डुलुस र उत्साह जोशीको कथा र अवधारणामा युनिक पोइटको शब्दमा बनेको भिडियोमा युनिक पोइट र प्रकृति बस्नेत भट्टराईको आवाज समावेश छ । संगीत निर्माताका रूपमा रिल्क्पास रहेको भिडियोमा अनीश तिवारी र सृजन श्यामाले भिडियोको कथा अनुसारको सांस्कृतिक बाजा हालेका छन् । नयन राईले छायांकन गरेको भिडियोलाई नुजन डङ्गोलले सम्पादन गरेका छन् ।
लक्ष्मण खडका कार्यकारी निर्माता रहेको भिडियोमा निसम गोर्खालीको सह निर्देशन छ । प्रोडक्सन डिजाइन, कस्ट्युम डिजाइन् र मेकअपको समेत जिम्मेवारी निर्वाह गरेकी आना डुलुसले नै भिडियोको निर्माण र निर्देशन गरेकी हुन् ।
हेर्नुहोस् भिडियोः
