‘पर्खी बसें तिमीलाई’ ट्रेलरः प्रेम, विछोड र रोदनको मिश्रण |भिडियो
काठमाडौं । फिल्म ‘पर्खी बसें तिमीलाई’ ट्रेलर सार्वजनिक गरिएको छ । यहि पौष २७ गतेलाई प्रदर्शन मिति तोकेको फिल्मको निर्माण टिमले शनिबार ट्रेलर सार्वजनिक गरेको हो । सार्वजनिक ट्रेलरमा प्रेम, विछोड र रोदन देख्न सकिन्छ ।
सामाजिक प्रेमकथामा आधारित फिल्मलाई राजाराम बुढाथोकीले निर्माण गरेका हुन् । दीपक श्रेष्ठ फिल्मका निर्देशक हुन् । यो फिल्मबाट अभिनेतामा किरण श्रेष्ठ र अभिनेत्रीद्वय रक्षा बुढाथोकी र अनिशा रसाइलीले रजतपटमा डेब्यू गरेका छन् । फिल्म त्रिकोणात्मक प्रेम कथामा आधारित छ ।
रोमन फिल्म र तपश्री फिल्म्स (सिक्किम) को संयुक्त व्यानरमा निर्माण गरिएको फिल्ममा अनिशा रसाइली, शिव श्रेष्ठ, विल्सन विक्रम राई, सुनिता श्रेष्ठ लगायतका कलाकारले अभिनय गरेका छन् । यसमा राजाराम बुढाथोकीको निर्माण, कोमल गुरुङको सह निर्माण, परिच्छेद सेन, मौनता श्रेष्ठ र पुरुषोत्तम ढुंगेलको लेखन, संकल्प भुजेलको छायांकन, शम्भुजित बाँस्कोटा, दीपक शर्मा, महेश खड्का र बाबुल गिरीको सङ्गीत, भुपेन्द्र अधिकारीको सम्पादन, मनोरञ्जन श्रेष्ठको कलर करेक्सन, रामजी लामिछाने र निशा रसाइलीको नृत्य निर्देशन रहेको छ ।
यो फिल्मलाई काठमाडौँ उपत्यकामा करण श्रेष्ठले रीच इन्टरटेनमेन्ट मार्फत र मोफसलमा एफडी कम्पनिले प्रदर्शनको जिम्मा लिएका छन् । फिल्ममा नेपालसँगै सिक्किमका दृश्यहरू समावेश छन् ।
