‘नम्बरी सुन’ गीतः गौरवको अंगालोमा बोल्ड नम्रता |भिडियो
काठमाडौं । आगामी माघ १९ गतेलाई प्रदर्शन मिति तय गरेको फिल्म ‘नम्बरी सुन’मा समावेश नयाँ गीत सार्वजनिक भएको छ । सार्वजनिक ‘तिमी बर म पीपल’ बोलको गीतमा मुख्य कलाकारद्वय गौरव पहारी र नम्रता सापकोटा फिचर्ड छन् ।
सार्वजनिक प्रेमिक भावको गीतमा संगीत अर्जुन पोखरेलको छ भने स्वर प्रताप दास र अनु चौधरीले दिएका छन् । गीतका शब्त पनि संगीतकार पोखरेलले नै लेखेका हुन् । गीतमा आदेश गुर्माचनको एरेन्ज, नरेश बिबिसीको मिक्सिङ र मास्टरिङ छ । भिडियोमा रामजी लामिछानेको कोरियोग्राफी छ ।
राजु गिरीको निर्देशनमा बनेको फिल्मको कथा शिवम अधिकारीको हो । फिल्ममा गौतमराज खड्काको सम्पादन, दिव्य सुवेदीको छायांकन छ । यो फिल्मलाई राजधानीमा जीजीए ग्रुप र मोफसलमा एफडी कम्पनीले वितरण गर्दैछ ।
फिल्ममा गौरव र नम्रतासँगै सरोज खनाल, बुद्धि तामाङ, राजाराम पौडेल, विनोद न्यौपाने, किरण नेपाली, राजेन्द्र खड्गी, सबिन बास्तोला, गीता अधिकारी, नारायण खाती, अस्मिता न्यौपाने र राजेन्द्र गिरी लगायतको अभिनय छ । नारायण खाती प्रस्तुतकर्ता रहेको यो फिल्मलाई सरोज खाती, सबिन खाती र मनोज रिजालले निर्माण गरेका हुन् ।
