‘के घर के डेरा’को घर नं २ घोषणा, कथा लेख्दै बुद्धिसागर
काठमाडौं । निर्देशक दिपेन्द्र के खनालले गत बर्ष रिलिज फिल्म ‘के घर के डेरा’को सिक्वेल घोषणा गरेका छन् । सामाजिक सञ्जालमा शुक्रबार फिल्मको थीम पोस्टर सार्वजनिक गर्दै खनालले फिल्मको सिक्वेल घोषणा गरेका हुन् । फिल्मलाई यो पटक ‘के घर के डेरा’ (घर नं २ ) नाम दिईएको छ ।
यो फिल्मको कथा बुद्धिसागरले लेखेका छन् । उनि ‘कर्णाली ब्लूज’ र ‘फिरफिरे’ दुई चर्चीत उपन्यासका लेखक हुन् । निर्माण टिमले फिल्मलाई अर्को बर्षको तिहारलाई प्रदर्शन मिति समेत घोषणा गरेको छ ।
ए प्लस इन्टरटेन्मेन्ट र नटराज क्रियशनको संयुक्त निर्माणमा बन्न लागेको फिल्मको छायांकन मिति, कास्ट एण्ड क्रू केहि पनि सार्वजनिक गरिएको छैन । निर्माण टिम फिल्मको कथा लेखनको चरणमा रहेको बताइएको छ । लेखक बुद्धिसागरले फिल्मको पोस्टर सार्वजनिक गर्दै क्याप्सनमा लेखेका छन्ः ‘अलिकति हाँसो, अलिकति आँसु ।’ ‘के घर के डेरा’ले दर्शक तथा समिक्षकबाट सुखद प्रतिक्रिया पाएको थियो ।
