‘दान्भी’ टिजर रिलिज, एक्सन अबतारमा पूजा !
काठमाडौं । चर्चीत अभिनेत्री पूजा शर्मा पहिलोपटक एक्सन अबतारमा प्रस्तुत भएको फिल्म ‘दान्भी’ को टिजर ट्रेलर सार्वजनिक भएको छ । सार्वजनिक टिजरमा पूजाको खतरनाक एक्सन देख्न सकिन्छ ।
रुपेश तामाङको निर्देशनमा बनेको फिल्मलाई लिएर पूजा उत्साहित छिन् । सधैं प्रेमिल अबतारमा देखिएकी पूजालाई दर्शकले नयाँ भुमिकामा कसरी लिन्छन् त्यो प्रतिक्षाको विषय छ । फिल्मलाई देव मगर र अनुप गडालले निर्माण गरेका हुन् । पवन राना मगर कार्यकारी निर्माता छन् ।
रविना थापा मगरको कथामा बनेको फिल्मको पटकथा तथा संवाद सञ्जोग कुवंर रानाले लेखेका छन् । हरि बहादुर घलेले छायांकन गरेको फिल्ममा सम्पादन बन्दे प्रसादको छ । श्री श्रेष्ठले एक्सन निर्देशन सम्हालेका छन् । कविराज गहतराजको कोरियोग्राफी छ ।
यो फिल्ममा पूजासँगै कुन्साङ बोमजोम प्रमुख अभिनयमा छन् । कुन्साङको लागि यो डेब्यू फिल्म हो ।
