नेपाली फिल्म ‘परस्त्री’ भारतीय ओटिटीमा रिलिज

काठमाडौं । नेपाली फिल्म ‘परस्त्री’ भारतीय ओटिटीमा रिलिज भएको छ । ‘परस्त्री’को हिन्दी भर्सन भारतीय ओटिटी प्लेटफर्म ‘एमएक्स प्लेयर’मा रिलिज भएको निर्मात्री शर्मिला पाण्डेले सामाजिक सञ्जालबाट सार्वजनिक गरेकी छिन् ।

उक्त प्लेटफर्ममा निःशुल्क फिल्म तथा बिडियोहरू हेर्न मिल्ने सुविधा छ । एप्लिकेसन डाउनलोड पश्वात दर्शकले रोजेका कन्टेन्ट हेर्न पाउनेछन् । गत असारमा नेपाल र भारतमा एकसाथ प्रदर्शनमा आएको फिल्मको बक्सअफिस कलेक्सन भने सुखद रहेन ।

सुरज पाण्डेको निर्देशन रहेको उक्त फिल्ममा कोशिश क्षेत्री र शिल्पा मास्के लिड अभिनयमा छन् । फिल्मको कथा दिपेन्द्रकुमार खनालको हो ।