मेनुका पौडेलले गाएको ‘सलार’ फिल्मको गीत सार्वजनिक |भिडियो
काठमाडौं । ‘इन्डियन आइडल’को ‘टप १४’ पुगेर भारतभर तहल्का मच्चाएकी नेपाली गायिका मेनुका पौडेलले स्वर दिएको भारतीय फिल्म ‘सलार’मा समावेश गीत सार्वजनिक भएको छ । निर्माण कम्पनिले बुधबार राती फिल्ममा समावेश मेनुका स्वरवद्ध गीत यूट्युव रिलजि गरेको हो ।
सार्वजनिक ‘सुरज ही चाहो बन्के…’ बोलको गीत मर्मस्पर्शी छ । केहि दिन पहिले उनले स्टुडियोमा उक्त गीत गाएको अंश सार्वजनिक गरिएको थियो । आइडलमा चर्चा कमाएकी मेनुकालाई फिल्म निर्माण कम्पनि हम्बेल पिक्चर्सले उक्त गीत गाउने अबसर दिएको थियो ।
उक्त गीतमा रवि बसरुरले संगीत दिएका छन् भने रिया मुखर्जीको शब्द समावेश छ । गीतले फिल्मको ‘थीम’ बोलेको छ ।
वर्ष २०२३ को सर्वाधिक चर्चीत मध्येको एक यो फिल्ममा भारतीय सुपरस्टार प्रभास प्रमुख अभिनयमा छन् । फिल्म डिसेम्बर २२ मा रिलिज हुँदैछ ।
