‘दिमाग खराब’को मर्मस्पर्शी ‘हजुरी’ सार्वजनिक |भिडियो
काठमाडौं । शुक्रबारबाट प्रदर्शनको तयारीमा रहेको फिल्म ‘दिमाग खराब’को नयाँ गीत सार्वजनिक भएको छ । सार्वजनिक ‘हजुरी’ बोलको गीतमा जयन जे वाइवाको शब्द-रचना तथा संगीत समावेश छ । गीतमा स्वर पनि वाइवाले नै भरेका छन् भने उनको अपोजिटमा मीना निरौलाले स्वर दिएकी छिन् ।
सार्वजनिक गीतको भिडियोमा फिल्मका प्रमुख कलाकार खगेन्द्र लामिछाने र स्वस्तिमा खड्कालाई देख्न सकिन्छ । साथमा अभिनेता दयाहाङ राई लगायतका कलाकारलाई समेत देख्न सकिन्छ ।
आम मानिसको अवस्था परिवर्तनका लागि भएको व्यवस्था परिवर्तन पनि मुठ्ठीभरका मानिसको कठपुतली भइदिँदा भूईंमान्छेले अपन्त्व महशुस गर्न नसकेर कसरी प्रताडित बनिरहन्छ भन्ने विषयलाई फिल्मले उठान गरेको छ ।
निश्चल बस्नेत निर्देशित फिल्म सिनेमा आर्ट्स र ब्ल्याक हर्स पिक्चर्सको ब्यानरमा तयार भएको हो । यो फिल्ममा खगेन्द्र लामिछाने, दयाहाङ राई, स्वस्तिमा खड्का, अपर्ण थापा, विजय बराल, सुमन कार्की, पुष्कर गुरुङ, माओत्से गुरुङ, राजन खतिवडा, रमा थपलिया, गौरभी आरएल सिंह, गीत अधिकारी, कृष्णभक्त महर्जन, धीरज भट्ट, राहुल सिवाकोटी, नविन खड्कालगायतको अभिनय छ ।
