कामेश्वरले मधेशमा ‘कैँची’ चलाउने !
वेभ सिरिज ‘कैंची’ निर्माण घोषणा गरिएको छ । दशैंको अवसर पारेर एक टिजर सार्वजनिक गर्दै यो वेब सिरिजको औपचारिक रुपमा निर्माण घोषणा गरिएको हो ।
मधेशको सेटअपमा खिचिएको सार्वजनिक टिजरमा अभिनेता कामेश्वर चौरासिया, अभिनेत्री काजल कर्ण, रियाज आचार्य र दिपक आरजेलाई स्थान दिइएको छ । सत्य घटनाबाट प्रभावित कथामा निर्माण हुने भनिएको वेभ सिरिजमा पारिवारिक सम्बन्ध र त्यसले ल्याउने कलहलाई पर्दामा ल्याउने जमर्को निर्माण टिमले गरेको छ ।
विशेषगरी नेपालको तराई क्षेत्रमा घट्ने विभिन्न घटनामा आधारित रहेर यो सिरिज बन्ने छ । कैंचीको कथा अभिनेता कामेश्वर चौरासिया आफैले लेखेका हुन् । पटकथा तथा संवाद लेखनमा भने उनलाई निर्देशक नरेशनाथ योगी ‘किङ योगी’ले सघाएका छन् । यो सिरिजको निर्देशन पनि नरेश आफैले गर्दैछन् ।
बड्डी इन्टरटेनमेन्ट र ढाका टोपी फिल्मस्को व्यानरमा निर्माण हुने सिरिजमा समिर खरेल र दिपक आरजे निर्माताको रुपमा रहेका छन् । मित्र डि गुरुङको सम्पाद, राजेन्द्र मोक्तानको कलर, मनिष भट्टको मुख्य सहायक निर्देशन, शैलेस श्रेष्ठको ब्याकग्राउण्ड म्युजिक, कबिन खड्काको मेकअप, निसाल पौडेलको डिओपी वेसिरिजमा रहनेछ ।
