चर्चित भारतीय गायक रितो रीवाको शनिबार फरेनहाइटमा लाइभ कन्सर्ट
काठमाडौं । भारतीय चर्चित गायक रितो रीवा नेपाल आउने भएका छन् । टौवा इभेन्ट , वेलहान इन्टरटेनमेन्ट र प्रतिक इभेन्टको आयोनामा यही असोज २७ गते शनिबार काठमाडौँको ठमेलस्थित फरेनहाइटमा लाइभ कन्सर्टका लागि रीवा नेपाल आउने भएका हुन् ।
२७ गते काठमाडौँमा हुने लाइभ कन्सर्टमा रीवाको बेजोड प्रस्तुति रहेको कार्यक्रम संयोजक विजयप्रसाद बस्यालले बताए । लाइभ कन्सर्टमा सहभागीका लागि ७ बजेदेखि नै खुल्ला गरिने हुने आयोजकले बताएको छ । उनि १० बजे स्टेज चड्नेछन् ।
लाइभ कन्सर्टमा प्रवेशका लागि १५ सय रुपैयाँ शुल्क लाग्ने कार्यक्रम संयोजक बस्यालले जानकारी दिए । टिकट इसेवा वालेटबाट अनलाइन बुकिङ्ग गर्न सकिनेछ ।
रितो रीवाको ‘तू मेरी हीर’ मिलिएन पटक हेरिएको छ । उनका चर्चित गित ‘इक तुहि’, ‘मेरी बना गी क्या’ चर्चामा रहेका छन् । उनले भारतमा सांगितिक क्षेत्रमा धमका मच्चाएका छन् । युवा पुस्तामा निकै लोकप्रिय गायकका रुपमा चिनिएका समेत छन् । भारतमा सयौँ सांगितिक कार्यक्रम सम्पन्न गरिरहेका छन् ।
फरेनहाइट संचालक मिलन श्रेष्ठले यस अघि पनि धेरै विदेशी कलाकारलाई नेपाल ल्याएर कार्यक्रम गरेका छन् । उनले नेपाली कलाकारलाई पनि कार्यक्रममा उतिकै स्थान दिने गरेका छन् ।
