ट्रेलरमा हेर्नुहोस् प्रतिक्षित फिल्म ‘परदेशी २’ |भिडियो
काठमाडौं । बडा दशैंको अबसरमा यहि असोज २६ गतेबाट प्रदर्शनमा आउने फिल्म ‘परदेशी २’को ट्रेलर सार्वजनिक गरिएको छ । शुक्रबार सार्वजनिक ट्रेलरमा प्रेम, विछोड र पीडाको समिश्रण छ ।
नारायण रायमाझी निर्देशित फिल्मको ट्रेलरमा अध्ययनका लागि युवाको विदेश यात्रा र त्यसले सिर्जना गर्ने पारिवारिक एवं सामाजिक संवेदनालाई देखाइएको छ । ‘परदेशी २’ गायनमा स्थापित प्रकाश सपूतको डेब्यु र शीर्ष भूमिका रहेको फिल्म हो । रायमाझी कै फिल्म ‘गोर्खा पल्टन’मा लाहुरेको भूमिकामा देखिएका अभिनेता प्रशान्त तामाङ यसपटक पनि सोही भूमिकामा छन् ।
राजेश वंशल र निर्देशक रायमाझीको संयुक्त निर्माण रहेको चलचित्रमा प्रकाश सपुत, प्रशान्त तामाङसँगै केकी अधिकारी, वर्षा शिवाकोटी,दीलिप रायमाझी, नीर शाह, रमा थपलिया, सबिन बास्तोला, देवेन्द्र बब्लु, रोशनी कार्कीलगायतको अभिनय छ ।
रमेश बिजीले फिल्मको कथा एवं पटकथा लेखेका हुन् । मानकृष्ण महर्जनको छायांकन, अष्ट महर्जनको द्धन्द्ध, रामजी लामिछाने र गोविन्द राईको नृत्य निर्देशन रहेको चलचित्रलाई दीर्घ खड्काले सम्पादन गरेका हुन् । यसअघि ‘गोर्खा पल्टन’ र ‘परदेशी’ जस्ता सुपरहिट फिल्म दिएका निर्देशक रायमाझीको ‘परदेशी २’ तेस्रो फिल्म हो ।
