रातो टिकी’मा राजेश हमाल र दीलिपसँग केकी र नीताको छमछमी |भिडियो

गायक कृष्ण बिकको नयाँ गीत ‘रातो टिकी’ सार्वजनिक भएको छ। सुरेश अधिकारीको शब्द र संगीत रहेको गीतमा कृष्णलाई मेलिना राई र रेखा जोशीले आवाजमा साथ दिएका छन् ।

जीबी आग्रीको निर्देशनमा तयार भएको गीतको भिडियोमा अभिनेताद्वय राजेश हमाल र दिलिप रायमाझीसँगै अभिनेत्रीद्वय केकी अधिकारी र नीता ढुङ्गानाको साथमा घनश्याम जोशी फिचर्ड छन् । कविराज गहतराजको कोरियोग्राफी रहेको गीतको भिडियो आकर्षक देखिन्छ ।

सन्देशमुलक गीतको भिडियोले एकल महिलाको चाहनाको पक्षलाई उठान गरेको छ । गोपाल रायले खिचेको भिडियोलाई विपिन मल्लले सम्पादन गरेका छन् । मनोज श्रेष्ठको भिएफएक्स रहेको भिडियोको कलर करेक्सन रेनिश फागोले गरेका छन् ।