‘दिमाग खराब’को ‘झम्के झमा झम’ रिलिज, दयाहाङ, निश्चलदेखि खगेन्द्र स्वस्तिमाको ठूम्का |भिडियो
काठमाडौं । प्रतिक्षित फिल्म ‘दिमाग खराब’मा समावेश ‘झम्के झमा झम’ बोलको गीत रिलिज भएको छ । सार्वजनिक डन्सिङ नम्बरमा फिल्मका प्रमुख कलाकारदेखि निर्देशक निश्वल बस्नेत सम्मले कम्मर मर्काएका छन् ।
गीतमा शब्द, संगीत तथा एरेञ्ज बावुल गिरीको छ भने स्वर सुमित खड्का र नम्रता काफ्लेको छ । भिडियोमा कोरियोग्राफी शेखर घर्ती मगरले गरेका छन् ।
कार्तिक २४ मा प्रदर्शनमा आउने फिल्ममा दयाहाङ राई, खगेन्द्र लामिछाने, स्वस्तिमा खड्का, अर्पण थापा, बिजय बराल, सुमन कार्की, पुष्कर गुरुङ, माओत्से गुरुङ, रमा थपलिया, राजन खतिवडा, गीता अधिकारी, कृष्णभक्त महर्जन, धिरज भट्ट लगायतका कलाकारहरूको अभिनय छ ।
निमेष श्रेष्ठको सम्पादन रहेको फिल्ममा छायांकन शुसन प्रजापतिको छ । ‘दिमाग खराब’को कथा आकाश बरालले लेखेका हुन् । रौनकबिक्रम कंडेल निर्माता रहेको फिल्मका कार्यकारी निर्माता सुरज बम ठकुरी छन् ।
