‘हात्तीछाप’बाट बाहिरियो दयाहाङ र उपासनाको क्यारेक्टर लुक्स
काठमाडौं । माघको २६ गतेबाट रिलिज हुन लागेको फिल्म ‘हात्तीछाप’ ले अघिल्लो हप्ता अभिनेता सौगात मल्लको क्यारेक्टर लुक्स सार्वजनिक गरेर प्रचार थालनी गर्यो । अब भने अर्का प्रमुख दुई कलाकार दयाहाङ राई र उपासना सिंह ठकुरीको पात्रचित्रण सार्वजनिक गरिएको छ ।
मल्टिस्टारर फिल्मको सार्वजनिक लुक्समा दया र उपासना बन्धक बनेको देखिन्छ । सिमोस सुनुवारको निर्देशनमा बनेको फिल्ममा दयाहाङ राई, सौगात मल्ल, विल्सन विक्रम राई, उपासना सिंह ठकुरी, वेनिशा हलमा, बुद्दि तामाङ, बिजय बराल, कमलमणि नेपाल, पुष्कर गुरुङ, प्रकाश घिमिरे, भोलाराज सापकोटा, बिनोद न्यौपाने, कबिता आले, सुष्मा निरौला, रीयर राई, अनुप न्यौपाने, स्वस्तिका खड्का, नारायण खाती, अनिता गिरी, बेन भुजेलको मुख्य भुमिका छ ।
प्रदीप भारद्धाजले लेखेको फिल्म किरण नेपालीको प्रस्तुतिमा तयार भएको हो कार्यकारी निर्माता सरोज नेपाली हुन् । फिल्ममा पुष्कर गुरुङ र अमला देवी राईको पनि लगानी छ । सुशान्त प्रजापतिले फिल्मको छायांकन गरेका हुन् ।
