ठुलोपर्दामा पलको कमब्याक, मुस्ताङमा दीपिकासँग स्कृन सेयर
काठमाडौं । अभिनेता पल शाहले ठुलोपर्दाको सेटमा कमब्याक गरेका छन् । बर्षदिन लामो जेल बसाइपछि पुरानो दैनिकीमा पुनरागमन गरेका पलले केहि म्युजिक भिडियोमा काम गरेपनि फिल्म अभिनयमा फर्केका थिएनन् । आइतबार उनको कमब्याक फिल्म ‘मायावी’को छायांकन प्रारम्भ भएको छ ।
दिवाकर भट्टराईको निर्देशनमा बन्दै गरेको फिल्मको मुस्ताङको नीलगिरी हिमालबाट सुटिङ सुरू भएको हो । फिल्मको गीत खिच्दै छायांकन प्रारम्भ हुँदा पलले अभिनेत्री दीपिका प्रसाइँसँग स्कृन सेयर गरेका छन् ।
नेपाल र भारतमा खिचिने भनिएको फिल्मको छायांकन ३५ दिनमा सकिने निर्माण पक्षले बताएको छ । यो फिल्ममा समिम खान, प्रशान्त ताम्राकार, सुशिल सिटौला र करिश्मा श्रेष्ठको पनि अभिनय रहनेछ ।
