राजा राजेन्द्रको ‘सालको पात’मा शिल्पाको पति वियोग

काठमाडौं । हाँस्यकलाकार तथा स्टयाण्ड अफ कमेडियन राजा राजेन्द्र पोखरेलले वैदेशिक रोजगारिको पीडामा मार्मिक गीत ‘सालको पात’ ल्याएका छन् । गीतमा विदेशमा रोजगारीको सिलसिलामा गएका ब्यक्ति जेल पर्दा त्यसको परिवारमा पर्ने पिडा ब्यक्त गरिएको छ । गीतमा शब्द तथा संगीत श्रमदीप चौलागाईको छ ।

गीतको एरेन्ज गोपाल रसाइलीले गरेका हुन् । गीतको भिडियोमा पनि बैदेशिक रोजगारिको सिलसिलामा विदेश गएएका एक ब्यक्ति विदेशको जेलमा पर्दा त्यसको परिवारले उसलाई नेपाल ल्याउन गर्ने विभिन्न संघर्षको कथा बुनिएको छ ।

अभिनेत्री शिल्पा पोखरेल, सुरवीर पण्डित र युवराज गौतमको अलवा बालकलाकारको एलेक्स खड्काको अभिनय रहेको भिडियो निकै मार्मिक बनेको छ । भिडियोमा युवराजले विदेशिने युवक, शिल्पाले युवकको श्रीमती र सुरबिरले बुबा र बालकलाकारले छोरोको भुमिका निर्वाह गरेका छन् । युवराजको यो पहिलो भिडियो हो ।