फिल्मी फ्राइडेः पर्दामा दयाहाङ भर्सेज विपिन
फ्राइडे रिलिज अन्तर्गत यो हप्ता शुक्रबारबाट दुई नेपाली फिल्म प्रदर्शनमा आएका छन् । बलिउड फिल्म ‘जवान’को दबदबा कायमै रहँदा हलमा तुलनात्मक रूपमा कम स्थानका बाबजुत दुई फिल्म ‘नाङ्गो गाउँ’ र ‘एक भागवत र एक गीता’ (सामाजिक प्रेमकथा) प्रदर्शनमा आएका हुन् ।
सामाजिक कथा बोल्ने दुई फिल्ममा ‘नाङ्गो गाउँ’ले हलहरूमा केहि बढि शोज पाएको छ । झरना थापा निर्देशित ‘एक भागवत र एक गीता’ सुनिलकुमार थापाको निर्माणमा तयार भएको हो । फिल्ममा विपिन कार्की, धिरज मगर, सुहाना थापा र कविर खड्का प्रमुख अभिनयमा छन् ।
यस्तै दिपेन्द्र लामा निर्देशित ‘नाङ्गो गाउँ’मा दयाहाङ राई, मिरूना मगर, शिसिर बाङ्देल, साम्राज्ञी आरएल शाह, कार्म, वुद्दि तामाङ, रविन्द्र झा, विशाल पहारी, कमलमणि नेपाल लगायत मुख्य अभिनयमा छन् । दुई फिल्मको बक्सअफिस भिडन्त हुँदा मुख्य त दुई स्टार दयाहाङ र विपिनको प्रतिस्पर्धाको रूपमा लिईएको छ ।
दुबै फिल्मले शुक्रबारको बिहानी शोजमा सुधस सुरूवात गरेका छन् ।
