‘एक भगवत गीता’को विवाद मिल्यो, नाम परिवर्तन गरेर रिलिज गर्ने सहमति
प्रदर्शनको संघारमा आउँदा नाम र फिल्मले उठाएको विषयवस्तुको कारण विवादमा उत्पन्न भइ सेन्सर रोकिएको फिल्म ‘एक भगवत गीता’को विवाद मिलेको छ । चलचित्र विकास बोर्डमा निर्माण टिम, विकास वोर्डको टिमसँगै सोहि नाममा फिल्म रिलिज गर्न नदिने भनेर विरोध जनाएको हिन्दुवादी संस्थाका प्रतिनिधिहरूबीच उक्त सहमति भएको हो ।
विवाद मिलेसँगै अब फिल्म ‘एक भागवत र एक गिता’ (सामाजिक कथा) नाममा रिलिज हुनेछ । विकास बोर्डले आइतबार नै फिल्मको सेन्सर सिफारिस गर्नेछ । यो फिल्म यहि भदौ २९ बाट प्रदर्शन मा आउँदैछ ।
सुनिलकुमार थापाको निर्माणमा बनेको फिल्मलाई झरना थापाले निर्देशन गरेकी हुन् । फिल्ममा विपिन कार्की, सुहाना थापा, धिरज मगर र कविर खड्का प्रमुख अभिनयमा छन् ।
