फर्स्टलुक पोस्टरमा हेर्नुहोस् निश्चलको मल्टिस्टारर ‘दिमाग खराब’
‘लुट’ निर्देशनपछि एकाएक चर्चामा आएका सेलिब्रेटी निर्देशक निश्चल बस्नेत लामो समयपछि फिल्म निर्देशनमा फर्केका छन् । उनको निर्देशनमा बनेको फिल्म ‘दिमाग खराब’को बिहिबार फर्स्टलुक पोस्टर सार्वजनिक गरिएको छ ।
सार्वजनिक पोस्टरमा फिल्मका प्रमुख कलाकार फिचर्ड छन् । सबै कलाकारलाई ‘एङ्ग्री’ मूडमा देख्नसकिन्छ । कलाकारको पर्स्तुतिले पात्र चित्रण गरेको बुझिन्छ ।
यो फिल्ममा दयाहाङ राई, अर्पण थापा, खगेन्द्र लामिछाने, विजय बराल, स्वस्तिमा खड्का र सुमन कार्कीको मुख्य अभिनय छ । राजनीतिक ड्रामा बोल्ने यो फिल्मले सत्तासँग नागरिकको चाहना र लडाइको कथा पेश गर्छ । फिल्म आगामी कार्तिक २४ बाट दर्शकमाझ आउनेछ ।
