कमेडी र सेन्टिमेन्टले भरिपूर्ण ‘गणपति’ ट्रेलर सार्वजनिक
काठमाडौं, ३० साउन ।
प्रतिक्षित फिल्म ‘गणपति’ को ट्रेलर मंगलबार ओएसआर डिजिटलबाट रिलिज गरिएको छ । भदौ १४ गते प्रदर्शन हुने फिल्मको निर्माण टिमले सोमबार ट्रेलर रिलजि गर्यो ।
सविन अधिकारीको लेखन र निर्देशनमा बनेको फिल्मको ट्रेलरमा निःसन्तान दम्पतिलाई भगवान गणेशजस्तो स्वरुपको पुत्र लाभ भएपछि आइपर्ने परिस्थितिलाई प्रस्तुत गरिएको छ । कमेडी र सेन्टिमेन्ट भरपुर देखिने फिल्ममा मुकुन भुसाल,मेनुका प्रधान,राजाराम पौडेल,सूर्यमाला खनाल,स्व.जयनन्द लामा,सुशील पोखरेल,प्रकाश घिमीरे,पुस्कर गुरुङ,अंशु मानन्धर,कविता न्यौपाने,देवेन्द्र बब्लु,कालु रानाका साथमा अथिति भूमिकामा अभिनेत्री वर्षा शिवाकोटीले अभिनय गरेकी छिन् ।
रिजाल एण्ड रिजाल प्रोडक्शनको ब्यानरमा रामप्रसाद रिजालको प्रस्तुति रहेको फिल्मको निर्मातामा लक्ष्मण रिजाल,कार्यकारी निर्माता बिज्ञान केसी र अर्बिन्द्र गिरी र सहनिर्मातामा चर्चित फिल्म एडिटर वनिष शाह छन् । हरिबहादुर घलेले खिचेको फिल्मका गीतमा अनिश अधिकारी,शंकर अधिकारी घायल,देबेन्द्र बब्बु,बाबुल गिरी र सबिन अधिकारीको शब्द अनि अनिश अधिकारीको संगीत छ ।
विपीन मल्लले सम्पादन गरेको फिल्मको कोरियोग्राफर कविराज गहतराज हुन् । तनहुँ जिल्लाको विभिन्न स्थानमा खिचिएको फिल्मलाई राजधानीमा श्रीराम बालाजी फिल्मस् र मोफसलमा एफडी कम्पनिले वितरण गर्दैछ ।
