‘हिड्दा हिड्दै’ ट्रेलरः रेखासँग आकाशको प्रेम वियोग |भिडियो
आकाश श्रेष्ठ स्टारर लभस्टोरी फिल्म ‘हिँड्दा हिँड्दै’ को ट्रेलर सार्वजनिक भएको छ । सार्वजनिक ट्रेलरमा फिल्ममा प्रमुख पात्रहरू फिचर्ड छन् । ट्रेलरमा आकाश र अभिनेत्री रेखा शाहबीच प्रेम,विश्वास र धोकाको परिक्रम प्रस्तुत गरिएको छ ।
आगामी भदौ १ लाई प्रदर्शन मिति तोकेको फिल्मलाई निर्देशन मिलन आले मगरले गरेका छन् । सुशील पंगेनीको लेखन र निर्माण रहेको फिल्ममा आकाश श्रेष्ठसँगै सलोन बस्नेत, नव अभिनेत्री रेखा शाह,सानीया खान,भोला सापकोटा,बिमल श्रेष्ठ,बिशाल श्रेष्ठ,बिकास थापा मगर र बालकलाकार अर्विन थिङले अभिनय गरेका छन् ।
नारायण सुशील पंगेनी इन्टरटेन्मेन्टको ब्यानरमा निर्मित फिल्मको प्रस्तुतकर्ता विमल श्रेष्ठ हुन । सुमनकुमार तण्डुकारले खिचेको फिल्मका गीतमा तारा प्रकाश लिम्बू र किरण माइकलको संगीत,कबिराज गहतराज र सुरेन्द्र बसेलको कोरियोग्राफी अनि देव महर्जनको द्धन्द्ध निर्देशन छ । राज लामा निर्माता रहेको फिल्मको सहनिर्मातामा प्रमोदकुमार तामाङ र महादेव साह छन् ।
गौतमराज खड्काले सम्पादन गरेको फिल्मको कलर ग्रेडिङ समीर मियाँले गरेका हुन् । आरआर फिल्मस् ले यो फिल्मको वितरण अधिकार खरिद गरेको छ ।
