‘जय हो’को राजारानी’ सार्वजनिक, केकीसँग सलोनको गज्जबको केमेष्ट्रि |भिडियो
आगामी भदौ ८ गतेलाई प्रदर्सन मिति तोकेको फिल्म ‘जय हो’मा समावेश प्रेमिल गीत ‘राजारानी’ सार्वजनिक भएको छ । राजधानीमा सुक्रबार आयोजित एक कार्यक्रमबीच निर्माण युनिटले फिल्मको गीत सार्वजनिक गर्यो ।
सार्वजनिक गीतमा सागर आले मगर र सदिक्षा कट्टेलको स्वर छ भने शब्द संगीत दुबै गायक आलेले नै भरेका छन् । फिल्ममा समावेश गीतको भिडियोमा कोरियोग्राफी कविराज गहतराज र रामजी लामिछानेले गरेका छन् ।
सार्वजनिक गीतले अभिनेता सलोन बस्नेत र अभिनेत्री केकी अधिकारीलाई फिचर्ड गरिएको छ । केकी र सलोनको मिलेको केमेष्ट्रि गीतमा देख्च सकिन्छ । भिडियोमा मेकिङ उत्कृष्ट देखिन्छ ।
यो फिल्ममा अर्पण थापा, निशा अदिकारी, माओत्से गुरुङ, सुमिन गुरुङ, प्रेम पाण्डे, सुशान्तकुमार श्रेष्ठ पनि मुख्य भुमिकामा छन् । सम्राट बस्नेतको द्वन्द्व निर्देशन रहेको फिल्ममा सम्पादन बनिष शाहको छ ।
सौरभ लामाको छायांकनमा बनेको फिल्मका निर्माता राजकुमार अधिकारी र सुरज सरकार हुन् । सोभित बस्नेतको प्रस्तुतिमा निर्माण भएको फिल्मलाई टेकपौरखी राईको निर्देशन छ ।
